帆布床的浪漫

小時候一家四口住系80呎板間房，四面牆壁放滿東東後，晚上老爸只能夠系房中開帆布床訓覺，房中間嘅空間亦只夠放一張打開嘅帆布床，我記得開床之後，就睇唔到地下 lu,所以我同妹妹就系帆布床上走來走去玩。
我地嘅單位系頂樓，上面就系天台，每逢中秋節我地就會搬張帆布床上天台，同其它鄰居/小朋友一齊訓系帆布床，仰望又大又光嘅月亮，清風送爽，大家分享水果同月餅！重將d燈籠掛系平時曬衫用嘅鐵線上，好有氣氛，又熱鬧又開心！