網頁

2016年12月28日

雞年賀卡




收到朋友送嘅紙頭紙尾,唔好浪費!又來個可愛嘅!加個掂字!掂呀!玩殘個掂字佢!哈哈!

1月8日來尖沙咀文化中心童手作樂市集帶佢地返屋企啦
歡迎預訂,PM我,寄比你都得

2016年12月23日

撐廣東話:掂


外星貓睇過一編文章,講廣東話唔系一個地方語言,禁香港人點可以唔撐廣東話呢?呢個掂字由我地印文化堂堂友呀關親手用毛筆寫嘅,本來想用狂書寫,但系又怕大家唔知寫乜,所以請佢寫得容易d睇!哈
來個與別不同嘅賀年揮春啦!祝大家年年月月月日日做乜都掂呀!
The cantonese word "掂" means good, ok, prefect !, whish everyone 掂 in everything everywhere in the future ! 
you can make an order of come bring it home on Jan 8 at the Handmade market at tsim sha tsui open space of Hongkong culture centre
鐘意嘅就1月8日來尖咀文化中心童手作樂市集睇下啦歡迎訂購

2016年12月21日

雞年印章




大家認唔認得佢呀?哈哈哈!出年系雞年呀!

Do you recongize this rooster ? a tin toy in the 60's , i made it into Chinese New Year card because next year is the year of Rooster.

2016年12月18日

手造舊地磚布袋


外星貓X愛作業 Lovely Shop.又生左兩個,用簡化左嘅藍屋花地磚印落布再由佢地做成,散子包/萬用包是也!
印得落布當然唔會脫色啦!
1月8號來尖咀童手作樂市集睇下啦!外星貓系15號黃色果


2016年12月17日

又玩市集


再整色整水,自己將d簿木片貼埋,再上色。刻印章嘅樂趣真系無窮無盡,除左玩創作、玩雕刻、玩顏色,重可以玩底座、玩手柄、玩包裝!大家買嘅都系我地嘅心機!
1月8號來尖咀童手作樂市集睇下啦!
#手工橡皮印章#Handcarvedrubberstamps#Handmade#消しゴムはんこ / #eraserstamp #DIY #rubberstamp #橡皮章 #印章
#市集 #外星貓 #Aliencat # #cat

2016年12月7日

印章生活化 (魚夫帽編)


千呼萬喚!為我嘅扭氣球大師朋友而設計嘅魚夫帽印章,再由破格空間造成!獨一無二!
#aliencat #外星貓 #布藝 #語製 #訂造 #魚夫帽 #破格空間

2016年12月5日

自己個袋自己印







雙面袋




設計師呀健、車衣姐姐杏姐合作無間



尋日參與真的變身鳥crossover workshop , 自己個袋自己印,好正嘅人、好正嘅體驗,見到小朋友由自己揀袋款、睇著設計師呀健裁紙樣、一家大少一齊用貓嘅私伙印章創作,不停給呀給,快樂不知時日過,企左幾粒鐘都唔見佢攰喎!勁!小朋友又好好奇禁睇著車衣姐姐杏姐用衣車車成個袋,制成品出來時雙眼blink blink ,佢地勁開心,我地都好開心!
印章融入生活!希望再普及開去!


鳥、詩人、Alice


2016年12月3日

情懷香港 (一章一故事)




我們都是這樣長大的

細路哥果陣玩嘅除左集體遊戲都系集體遊戲!雖然一家住系宜家所謂嘅劏房;但系有好錫我地嘅父母同表姐,時時帶我地去維園,唔好睇貓著條裙,貓系標淮牛黃頭一名!冇野可以難到貓嘅!

維園有乜玩?可以點玩?
倒轉由45度傾斜兩三層樓高嘅鐵滑梯由低爬向最頂部再滑落去,或者同其它小朋友比賽邊個嘅鞦韆盪得最高,360度大回環當食生菜。滿滿嘅回憶,系陪伴貓渡過童年嘅重要地方。
每個小朋友都有過系遊樂場玩嘅愉快經驗,是陪著香港人長大嘅香港情懷。我地系遊樂場體會同其它小朋友分享、學交朋友、禮儀、溝通同合作;系互動遊樂裡面建立友誼,一隻貓玩玩下就識左一班小朋友。

果時快樂可以好簡單,好單純。童年愉快經歷、記憶做就今日嘅貓,帶冒險精神,唔怕跌,系都要玩到為止。創新,系都要自創花式玩法。

你嘅故事呢?

聽日起可以系尖沙咀文化中心廣場保良市集睇到佢啦,重有好多手作藝術家嘅作品架!



2016年12月1日

12月4日「自己個袋自己印」工作坊 ‘STAMP YOUR OWN BAG’ workshop


有興趣參加自己個袋自己印就記得報名12月4號嘅工作坊啦,到時外星貓會有少量印章售賣。
由劃紙樣開始學起

「真的變身鳥」會同 MILL6 Foundation 六廠基金會合作,
今個星期六日(12月3-4日) 係 南豐紗廠 • 好匠店坊 The Mills Holiday Shopfloor  擺檔!
期間仲會舉行限定兩日既工作坊,如果大家屋企有唔要既衣物又唔捨得將佢地扔棄,不防今個星期六日拎過黎,我地會教你點樣將佢地變成心目中想造既袋仔!
----------------------------------------------------------------------------
[ 12月4日「自己個袋自己印」工作坊 
‘STAMP YOUR OWN BAG’ workshop ]
有無諗過可以自己將著過的舊衫變身造一個獨一無二的小物袋? 
在12月4日(星期日),時裝設計師阿健、印章導師Alice與我們的一班資深車衣姐姐將會於「南豐紗廠‧好匠店坊 ─ 設計及手作市集」舉行「自己個袋自己印」工作坊,鼓勵大家可以將自己清洗過的衣服/ 環保袋/ 手巾等的紡織物品帶來即場升級再造為一個自制化妝袋/ 小物袋/ 筆袋…
收費:$200,包括工具和導師費。請將帶來的布料自行清洗乾淨,建議利用梭織布質地,和淺色的布料。 
時間:1PM-2PM/ 2PM-3PM/ 3PM-4PM/ 4PM-5PM. 每日四節,每節一小時。
名額有限,請先Facebook inbox 「真的變身鳥」或電郵至 theupcyclingbird@gmail.com 報名。


1.畫紙樣- 時裝設計師阿健 
設計師阿健會首先就著大家各自帶來的物料建議可用的範圍,在決定好袋的大小和形狀後,阿健便會開始畫紙樣和裁剪出需要的材料。


2.設計圖案-印章導師Alice 
第二步就是利用各色各樣的手工橡皮印章和專業布用印台在布料上設計你喜歡的圖案。
*如果想效果較突出,最好可帶備淺色或淨色、梭織布質地的物料。例如恤衫布、麻質、棉質、絲質的物品。


3. 縫紉-資深車衣姐姐
最後一步便是將準備好的材料縫製成獨一無二的袋仔,資深車衣姐姐會即場示範他們純熟的車衣技巧。還可以就著個人的需要加上不同的配件,例如拉鏈、手腕帶等。


*[ 12月3日 「自己個袋自己造」工作坊 
‘MAKE YOUR OWN BAG’ workshop ]
另一方面,在12月3日(星期六),時裝設計師阿健與我們的車衣姐姐亦將會於「南豐紗廠‧好匠店坊 ─ 設計及手作市集」舉行「自己個袋自己造」工作坊,鼓勵大家可以將自己清洗過的衣服/ 環保袋/ 手巾等的紡織物品帶來即場升級再造為一個自制化妝袋/ 小物袋/ 筆袋…
收費:$150,包括工具和導師費。請將帶來的布料自行清洗乾淨,建議利用梭織布質地的布料。 
時間:2PM-3PM/ 3PM-4PM/ 4PM-5PM. 
每日三節,每節一小時。
名額有限,請先Facebook inbox 「真的變身鳥」或電郵至 theupcyclingbird@gmail.com 報名。
********************************************

Translate